OpenOffice.org

Article on other languages:

  OpenOffice.org

openoffice.org writer 3.0.0
Desarrollador:
 Sun Microsystems n'asociación cola comunidá
Cabera versión:
 3.0.0 /
Multiplataforma
Xéneru:
 Suite ofimática
LGPL
En cursu (con Ubuntu)
www.openoffice.org


OpenOffice.org ye una suite ofimática de software llibre y códigu abiertu de distribución de baldre qu'inclúi ferramientes como procesador de testos, fueya de cálculu, presentaciones, ferramientes pal dibuxu vectorial y base de datos. Ta disponible pa munches y diverses plataformes, como Microsoft Windows, sistemes de tipu Unix col Sistema X Window como GNU/Linux, BSD, Solaris y Mac OS X. Tamién ta disponible pa Mac Os X un programa asemeyáu deriváu denomáu NeoOffice. OpenOffice ta camentáu pa ser compatible con Microsoft Office, col que compite. Soporta l'estándar ISO OpenDocument con lo que ye cenciello l'intercambéu de documentos con munchos programes, y pue ser usaú ensin costu dalgún.

OpenOffice.org tien como base inicial a StarOffice, una suite ofimática desendolcada por StarDivision y alquiría por Sun Microsystems n'agostu de 1999. El códigu fonte de la suite lliberóse en xunetu de 2000, col envís de facer frente al dominiu nel mercáu de Microsoft Office proporcionando una alternativa abierta, de baxu costu y alta calidá. El códigu fonte de l'aplicación ta disponible baxo la llicencia LGPL.

Les versiones más recientes d'StarOffice, la versión comercial de Sun, tan basaes nel códigu base d'OpenOffice.org. Pue decise que la rellación ente open office y StarOffice tien dalgunes asemeyances cola rellación qu'hebo ente Netscape Navigator y Mozilla.

El proyeutu y el programa son denomaos "OpenOffice" de forma informal, pero los organizadores del proyeutu dicen qu'esti términu ye una marca rexistrada en posesión d'otra empresa, angariyándolos a adoutar "OpenOffice.org" como nome formal, y abreviáu como OOo.

Anguaño, ta en cursu la traducción al asturianu d'Open Office

Ver tamién

Enllaces esternos


 
Suite programes/aplicaciones oficiales d'Ubuntu
Firefox | Evolution | Open Office | Gimp | Pidgin | Totem | gedit | Evince


OpenOffice.org
Wikimedia Commons tien archivos rellacionaos con:
Obtenío de "http://ast.wikipedia.org/wiki/OpenOffice.org"

This article is from Wikipedia. All text is available under the terms of the GNU Free Documentation License.